Biblioteca Casa Consulado

Conferencias

Ciclo de conferencias

"Mulleres guerreiras nos séculos XV-XVII"

Novembro de 2024

A Coruña asóciase cunha muller que tomou as armas en 1589 para defender a cidade do asalto das forzas inglesas. Este ciclo de catro conferencias propón indagar un tema pouco coñecido: a participación activa da muller na guerra nesa época e desta forma contextualizar e comprender mellor o que aparenta como unha fazaña singular.

A representación da muller forte e especificamente da muller soldado, na arte visual e no teatro dos séculos XVI e XVII, compleméntanse cunha conferencia dedicada a María Pita, finalizando co papel de raíñas e rexentes da Monarquía Hispana na guerra.

O último xoves do ciclo, actuou o Coro da Escola Municipal de Música, dirixido por Pablo Carballido.

Colaboraron a Vicaría Episcopal Territorial de A Coruña-Arzobispado de Santiago, coa cesión da Igrexa das Capuchinas como sede das conf, a Escola Municipal de Música da Coruña e a Deputación da Coruña.

Ciclo de conferencias

"Minorías na España medieval e moderna: A presenza dos xudeus na Coruña e Galicia"

Novembro de 2023

O debate xurdido sobre a posibilidade de que o alxibe, situado debaixo dunhas casas da rúa Sinagoga, sexa un Mikvé ou baño do rito xudeu, pon de actualidade o estudo da antiga presenza dos xudeus na cidade. Sirva de exemplo, a biblia Kennikott, as láudas sepulcrais do cemiterio dos xudeus, o río do mesmo nome e a toponimia.

Este ano as conferencias desenvolveronse sobre a súa cultura, costumes e expulsión; abordando diferentes aspectos da súa historia, vestixios deste pobo en Galicia e concretamente na Coruña. Tivéronse tamén en conta cuestións de índole relixiosa, cultural e de política internacional.

Colaboraron a Vicaría Episcopal Territorial de A Coruña-Arzobispado de Santiago, coa cesión da Igrexa das Capuchinas como sede das ponencias, a Biblioteca municipal de Estudos Locais coa cesión do facsímile da Biblia Kennicott e a Deputación da Coruña.

Conferencia

"A BIBLIOTECA DA CASA CONSULADO:

O SOÑO DUN ILUSTRADO"

Co motivo do día das bibliotecas, a Biblioteca de Estudos Locais, organizou unha conferencia sobre a nosa Biblioteca e o soño do seu fundador Pedro Antonio Sánchez Vaamonde. A ponencia foi impartida polo Presidente da Fundación D. Javier Padín Martínez.

A Fundación identifícase e súmase ao lema proposto polo Ministerio de Cultura para a celebración do Día Internacional da Biblioteca 2023 "tecendo comunidades" que pretende destacar o papel fundamental que desempeñan as bibliotecas na construción de lazos fortes dentro das nosas comunidades. E agradece esta proposta da Biblioteca de Estudos Locais, de tecer comunidade.

Conferencia

"O Barroco compostelán e o convento das Capuchinas da Coruña: Historia arquitectónica dun encontro"

29 de xuño de 2023

A ponencia foi impartida polo catedrático de historia da arte da USC Prof. Dr. Alfredo Vigo Trasancos. A Fundación celebrou o encontro entre un dos máis destacados expertos na historia da arquitectura barroca de Galicia e a Igrexa das Capuchinas, sede das nosas conferencias desde o 2016. Así mesmo, conmemorou os 340 anos da fundación do Convento das Capuchinas e os 220 da aprobación real da creación da Biblioteca.

Ao finalizar o acto, actuou o Coro da Escola Municipal de Música, dirixido por Pablo Carballido, que interpretou Missa brevis en Do Mayor "Spatzenmesse" K220 de Mozart. Interveñen: Irene Saco, soprano ; Yolanda Berdiñas, mezzosoprano ;Iñigo San Luis, tenor; Javier Yang, baritono e ao piano, Ludmila Orlova.

Colaboraron a Vicaría Episcopal Territorial de A Coruña-Arzobispado de Santiago, coa cesión da Igrexa das Capuchinas como sede das ponencias, a Escola Municipal de Música da Coruña e a Deputación da Coruña.

Ciclo de conferencias "Expedicións e viaxes marítimas II" (séculos XVI-XVII)"

Tras protagonizar a primeira volta ao mundo, Elcano regresa ao mando da "Vitoria" cargado de cravo. Xérase con rapidez un entusiasmo polas novas perspectivas económicas e políticas e ábrese un mercado onde A Coruña xogaría un papel importante pola súa situación privilexiada. Créase a "Casa de Contratación da Especiería" e organízanse varias expedicións e armadas que parten da devandita cidade.

As conferencias do 2022, foron impartidas por recoñecidos especialistas e versaron sobre os aspectos máis significativos destes sucesos e episodios singulares desas viaxes marítimas; particularmente o destino dunha das naves que desaparece na viaxe de Loaysa. Tamén se estuda a emigración galega desa época e por último, a transformación dos portos galegos ao ser lugares de partida das diferentes armadas e expedicións marítimas.

O programa foi o seguinte:

Xoves 3 de novembro: Expedicións desde A Coruña ás illas Molucas tras o regreso de Elcano. Prof. D. Santiago Xoga Puig. . Lic. En C. Económicas e escritor.

Xoves, 10 de novembro: A carabela San Lesmes, a viaxe mais épico da historia. Prof. D. Luís Gorrochategui Santos. Gr. en Filosofía e escritor
Xoves, 17 de novembro: A casa de Contratación da Especiería da Coruña e a emigración Galega ao Novo Mundo no século XVI e principios do XVII. Profª. Dra. Dª. María José Rodríguez Salgado. Catedrática Emérita de Historia Internacional da London School of Economics and Political Science.
Xoves, 24 de novembro: Imaxes para a guerra: o binomio A Coruña-Ferrol nos contextos bélicos noratlánticos (1585-1639). Prof. Dr. D. Alfredo Vigo Trasancos. Catedrático de Historia da arte. USC.

Colaboran a Vicaría Episcopal Territorial da Coruña-Arcebispado de Santiago, coa cesión da Igrexa das Capuchinas como sede dos relatorios, e a Deputación da Coruña.

Ciclo de conferencias "Expedicións e viaxes marítimos: Ciencia, riqueza e sangue (séculos XV-XVII)"

Os recentemente cumpridos 500 anos da saída da expedición Magallanes-Elcano motivan o tema das conferencias do 2019. Impartidos por especialistas de renome e centraanse nos aspectos máis significativos e episodios singulares de viaxes por mar durante a idade moderna.

Se abordan diferentes temas; por un lado, a viaxe que deu lugar á primeira circunvalación da terra. Por outro analízase a contraofensiva inglesa de Drake e as súas consecuencias nos dous países.

Tamén explica o papel dos portos galegos e a súa posición xeográfica e estratéxica, a súa condición de refuxio e lugares de partida para as embarcacións e expedicións marítimas.

Finalmente, falase da vida a bordo destas viaxes. Con estas xornadas, a Fundación Biblioteca da Casa do Consulado pretende mellorar o coñecemento e a difusión do seu legado histórico, así como actividades económicas e sociais relacionadas coa cidade e coa comunidade galega

O programa das conferencias foi o seguinte

- Xoves, 7 de novembro: . “V Centenario da 1ª volta ao mundo”. Prof. Dr. D Agustín Ramón Rodríguez González. Historiador y Escritor; Académico Correspondente da Real Academia da Historia
- Xoves, 14 de novembro: Contra Armada Inglesa de 1589 ( A maior derrota naval de Inglaterra, 430 Aniversario). Dr. D. Luís Gorrochategui Santos. Historiador y escritor
- Xoves, 21 de novembro: Ao abrigo da natureza: “os portos galegos e as súas infraestructuras no horizonte das guerras noratlánticas” ( 1580-1639). Prof. Dr. D. Alfredo Vigo Trasancos. Catedrático de Historia da Arte. USC.
- Xoves, 28 de novembro: “Entre a morte e a vida”: As peripecias das viaxes mariñas na idade moderna. Profª Dra. Dª María José Rodriguez Salgado. Catedrática de Historia económica Internacional da London School of Economics e Académica correspondente na Gran Bretaña da Real Academia da Historia ( Londres)

Ciclo de conferencias "Inglaterra vs. España. Relacións na idade moderna"

O ciclo de conferencias do 2018, versa sobre as relacións, non sempre amistosas, entre Inglaterra e España ao longo da historia; especialmente durante a idade moderna. Abórdanse diferentes aspectos; por un lado o aumento do interese polo coñecemento e a interpretación das linguas. Por outro analizase a loita estratéxica polo control do comercio con Europa e o dominio do Océano Atlántico, obxecto de intereses coincidentes que deron lugar aos meirandes enfrontamentos da época. Asimesmo, expóñense outras cuestión de índole cultural e de política internacional como a visión do Embaixador en Londres e a súa colección de documentos que reflicten os acontecementos relevantes de principios do XVII. Un último aspecto reflicte o papel vertebrador que representou o eixo A Coruña – Ferrol; a súa posición xeográfica e estratéxica, a súa condición de portos refuxio e lugares de partida de armadas e expedicións marítimas que cambiaron o rumbo da historia.

Programa das conferencias

Xoves, 18 de outubro: “Traducións Hispano- Inglesas da idade moderna: a propósito dunha versión inglesa de proverbios galegos do século XVII” Prof. Dr. D. Fernando Bouza Álvarez. Catedrático de Hª Moderna .UCM
Xoves 25 de outubro: Pugna Anglo-Hispana polo control do espazo marítimo atlántico e as súas consecuencias: Arqueoloxía subacuática desde o Noroeste. Dr. D. Miguel San Claudio Santa Cruz. Inv.Asociado, I. de Arqueoloxía e Paleociências. U. Nova de Lisboa.
Xoves 8 de novembro: Ad Speculam Britanniae: “Coruña e Inglaterra da torre de Hércules a Sir John Moore”. D. José María Bello Diéguez. Arqueólogo. Coordinador científico do “Proxecto Artabria”
Xoves, 15 de novembro: Guerra e Comercio no século das luces: A construción dun “gran porto” no golfo dos Ártabros. Prof. Dr. D. Alfredo Vigo Trasancos. Catedrático de Historia da Arte. USC.
Xoves, 22 de novembro: A embaixada do Conde de Gondomar en Londres: ”propaganda política e confesional e as tensións do coleccionismo nobiliario”. Dra. Dª María Luisa López-Vidriero Abelló.
Xoves, 29 de novembro: Os ataques ingleses ás costas galegas e especialmente contra A Coruña “o máis solo e desapercibido lugar da Monarquía” en 1585 y 1589. Profª Dra. Dª María José Rodriguez–Salgado. Profesora de Historia económica Internacional da London School of economics